Oficina de Transformación Comunitaria (OTC) de Narón
A OTC de Narón ofrece á poboación o seu servizo de asesoramento, acompañamento e difusión para fomentar a aparición de novas iniciativas para crear Comunidades Enerxéticas Locais no concello, e dotalas do apoio técnico que precisan para cosolidarse. Podes realizar as túas consultas a través do formulario web, ou a través dos contactos indicados.
O programa de concesión de axudas a Oficinas de Transformación Comunitaria para a promoción e dinamización de comunidades enerxéticas (CE OFICINAS) enmárcase na componente 7 «Despregamento e integración de enerxías renovables» do Plan de Recuperación, Transformación e Resiliencia para a execución dos fondos Next Generation EU.
